على ساقية قلبى العطشانه
حطّت عصفورة أحلام الأيام الغنوه
ملقتش ربيع
بصتلى البصّه اللغز
(نتورت) الصور المتبروزه جوا الشرايين
أحلامك
وديتها لمين؟
ردّيت وسكّت بصوت واحد
الحب ف قلبك بقى جاحد
البعد ماهوش زى القرب
كانوا دول بالقرب
عشقونى وطاروا بدون مااعلم
استنيتك
حّد ماتيجى ترعرعى روحى
أهلا بيكى
شفت جناح اتحرك فيها
شدت ايدى جناحها التانى
كان التانى خلاص اتحرك
شئ حسيته اتزلزل فيا
أرضى عفيه
باقيه لاكين مرميه فروعى
كانت لحظة وانا باقاومها
خلعت قبل ماتمشى جدوعى .
...............
علي جامع