انا لمـا بابـــوس إيـــدك
باحـــس بتغيــــــرات فيّــا
نفســيّة وعضــويّة
واحـس انى سبقـــت الكــون
وتتبـــدل سنـيـــن الشــوق
فاتبــقى سنيـــنى ضـوئــيّة
وبابــقى ف عـالم البـــرزخ
ســاعة لما بحنــيّة
تـدوب ف شـفايفــك العـدرا حروف اسمـى
وتنطـقـنى قصــيدة شـعر
من تفعــيلة وهمــيّة
ولمـا الكــون وقــف ليـــنا يسـاومـنا
خطفتــك فـوق حصـان الشــعر
وف ثانيـــة بدوســة زر
رحنـــا لدنيــــا مخفيّــــة
حيــاة بس اقتراضيّة
بكن فيكــون عملنــا الصفحــة ســريّـة
وخليـــنا البشـــر عميــان....وبالأحضـــان
عملنـــا الصــورة خلفيّـــة
بنــــينا البيــــت على قمــة جبــال العشــق
وزرعنـــا جنينــــة صمـــت
واتكـلمــت بعنيـــكى
وفســـّرتى صحيــح الحـب بعنيّــــة
ولما رجعـــــنا م الجــنة انا وانـتى
فى آخــر نــدوة شعـــريّـة
وصلــــنا لأرض صفحتــــنا
أنا قصــدى لدنيــــتنا
فـقـررنا نجيــــب مــوّال وأغنيّـــة
وخلفنا من الكلمات
قصيــــدة شعــــر بالفصحى
و قصيــدة شعــــر عاميــــّة
نجـــوّزهم بـدون قـــربان
ونمــلا الصفحــة بالألحــــان
ولا يوصل شيطــان ولا جــان
عشــان الحـــب متحــــصن
عشـــان الفكــــرة محميّــــة
كمـان بيتـــنا مالــوش عنـــوان
وكلمـــــة ســــره مـش بحــروف
دا كلمـــة ســـره بالنيّـــــة
............
حمدي موسى