ياللي هواكي هواني وراشق
والله القلب لعشقك عاشق
بس يواتي العمر الآتي
وأنا أسقيكي الشهد شفاشق
ياللي هواكي هواني وراشق
أنا حواليا ألوف عاشقين
بس الطير ح يلوف علي مين
مش فاهمين إن أنا من صغري
عمري ما اريل علي فساتين
طار الطير واختار من بدرى
أجما زهرة فى البساتين
أنا في العشق قديم مش ناشئ
يالي هواكي هواني وراشق
شاعر أنا وكمان فنان
باغزل حرفي مع الإحساس
يطرح شعري ف كل أوان
يدخل جوة قلوب الناس
فيحبوني غيد وحسان
والقى قلوبهم مترمية
من حواليا ف كل مكان
فاعشق ديا واعشق ديا
وابدر عشقى على النسوان
واللي تغير منهم مش فارق
أصلى بكون بالليل نعسان
واصحى الصبح أنا منهم فايق
واكتشف إنى ماكنتش عاشق
دانا فى العشق ماطلتش ناشئ
ياللي هواكي هواني وراشق
............
هشام الدشناوي