إكمني حبيتك
فاكر هتكسرني
وآجي لباب بيتك
وأترجّى ترحمني
لا يا حبيب العمر
م الوهم دووا فوق
أنا زي عود القصب
مادد تملّي لفوق
ولآ حب مهمن كان
ولآ وهما كان الشوق
يقدر يغيّرني
فاكرني ليه هانكسر ؟
علشان ما حبتينيش !!
ده العمر كله صور
اللي يروح ما يجيش
وإنتي...زي كتير
صورة وعدّت يوم
ما خدتشي وقت كبير
لاكني حبيتك
والشوق....بيعصرني
ينزفني نار بتسيل
من جوف حشا قلبي
لاكن ما مووتنيش
أسقي الصبايا عسل
وأجدل آهاتي ريش
وأغزل دموعي تيجان
تتحلّى بيه الغزلان
ويقولوا ...تستاهل
وإنتي...
ما تستاهليش
كنتي الحياة كلها
شوفي بقيتي إيه
شوفي !!...بقيتي مفيش .
.......................................
محمد البنا
النص منطوق باللهجة الصعيدية
النص منطوق باللهجة الصعيدية