و مهما الدنيا تكسرنى
هقوم تانى
و هطوى اسايا على همى
و ادوس على تل احزانى
و هعلا لفوق كمان و اعلا
مهما كنت باعانى
و ايه يعنى تيبعنى ناس
م الدنيا بحالها بيعانى
زرعت الصدق و الاخلاص
و اقول الناس بتهوانى
و اتارى ناس بلا احساس
تملى فى ضهرى خينانى
لكن عادى هروح و آجى
و هنسى كل اللى ينسانى
اشمعنا الفرح ليهم كاس
و كاس المر علشانى؟
اما انتى يادنيا خسيسه و فانيه
ماتقوليش كانى و لا مانى
ياما سهرت افكر في فيكى
و احبك و انتى كرهاتى
دلوقتى خلاص انا كرهتك
و اياكى تقولى حبانى
بقولها و مش خايف منك
خلاص بودع فى زمانى
هاتى كمان و لايهمك
وآ هو انتى عارفه عنوانى
وانا بتحداكى و بقولك
مهما لقيتك صدانى
لا هتزلل و لا هركعلك
و لا فاتحلك احضانى