المشاعر لما تنطق
بعد صبر سنين كتير
والحياة ترجع وتنبض
والأمل يملا العيون
يبقى يعني ازاي تهون
وابتسامتها اللي كانت
تفتح الاحلام طريق
والمعاني اللي ف عنيها
زهو عمره مايوم يزول
ضحكة كانت لما تضحك
تذهب الوعي ف عقول
ورده عاشقة للوسامة
نورها ساطع ع الغصون
يبقى كيف ازي تهون
ليل طويل كنابنسهر
بدرها مالي الفؤاد
حسنها م الحسن أحسن
وصلها ود الوداد
همسها تراتيل كناريا
صمتها تسابيح ربيع
نطقها رقة ومشاعر
عشقها اعقل جنون
يبقى يعني ازاي تهون
ف البعاد بتزيد غلاوة
ف الفراق بتزيد حنان
ف العتاب حافظة المكانة
رغم ما يقسى الزمان
قربها ف البعد ساكن
والبعاد منها حنون
يبقى يعني ازاي تهون
......................
سيد البالوي