...................
باصبر نفسى فى الغـــربه
بصـــورة زوجتى وعـيالى
وف عــزالضيقه والكـربه
بافــــرّج بيها عـــن حــالى
مخليها قصـــــــــاد عــينى
عشان ماتروحش من بالى
ومين غيرهـــــــم يونسنى
وأنا فى الغربه وحــــــدانى ........................********........................... كتيرباســــــــرح مع نفسى
وأقــــــول أيه اللى خلانى
أسيب ناسى وأسيب أهلى
وأسيب أصحابى وجيرانى
وأقول لنفسى ليه تــــــايه
وليه الغــــــــربه وخدانى
وباتحسـّـــــــرعلى نفسى
وأه جـــــــــــوايا وجعـانى .....................**********..........................
ولمّا بابص للصــــــــوره
يطيب الجــــــرح من تانى
وبانسى الغربه ومــرارها
وأقـــول م الكل بيعـــانى
باحط الصـــوره وأتفرّج
على عيونهـــم بتضحكلى
ولمّا باحضن الصـــوره
فى ثانيه بافتكــــــر نفسى .....................***********.........................
باحــــــــس براحه نفسية
وفرحــــــــه كبيره مخفية
وبافـــرح من صميم قلبى
وأقول دا انا أمى دعيالى
وأبوس أيدى وباتشكـّــــر
لرب الكـــون على النعمه
وأضم الصوره وأحضنها
وأقول أصل الضنا غـــــالى ........................***********........................... قصيده (الغربه)
كلمات/محمد صالح الفزانى .