**********
نادر جداً
لمّا بتكتب حـــاجة جديدة
ماتعـجــبـنيش
شاطر جداً
لمّا بتكتب أى قصيدة
عايزها تعيش
شعرك صوره جميلة وحلوة
شعرك غنوة بصوت درويش
.....................
اكتب دا إحنا بنعشق حـــرفك
علشان خاطرى ما تحرمنيش
ادبك خلا الشعــرا فى صفك
شعــرك زى جمـــاله مافيش
.........................
انت بتكتب من احســــــاسك
ناقش شعــــــــرك بالمناقيش
شاعر ،عاشق، ثاير، ناسـك
اجمـــــــــــل منك ما تقوليش
.............................
بس ازاى ما تجيش الرابطة
شوف من امتى ما بتزورنيش
بقى معقولة تروح مع نــــونه
واحنا الأصـــــــل وماتعدّيش
........................
ما احنا كمــــــان بنحبها
زيّك
مــــــين بيحب وما بيوفـــيش
بس يا نـــــــــــادر نظّم
وقتك
واحضــــــــر دايماً ما تجلّيش
...........................
فاتحه الرابطة الحضن تملّى
ادخــــل دوغرى وما تسمّيش
زهـــــرك لو من غيرنا يجلّى
وبتشجيعنا يجيب شيش بيش
..............................
لو زعلان م تصــــارح قلبى
فضفـــض يعنى وما تخبيش
انا احساسى ان انت ح ترجع
وانا احســــــاسى ما كدبنيش
....................................
مين بقى يعنى يا عمـــنا قدك
عصفور عايق حسن وريش
ياللى الــورد مـزوّق خــدك
دمــك سكـــر سنـترافــــيش
...........................
مهداه للشاعر المبدع الصديق
نادر أبو باشا
بمناسبة تكريمه
4/4/2015 م