مانتيش معيوبه
وبطنك قادره تشيل
موج البحر بيضرب ف العالى
والشربه بطعم الملح
إحساسها .. عليل
وربك قسم الأرزاق
وإحنا نصيبنا الهم
وعيون مكبوته
وتوته ورا توته
ماسخه قوى الحدوته
أنا قلبى مكسور
كل ما ألمح عيل
أقول إمتى ييجى علينا الدور
وإن كان النصيب غلاب
وإحنا عشان أحباب
بفتحلك .. الباب
روحى وماتبكيش
حققى الحلم اللى كان نفسى
عشانه أعيش
وإدعيلى بالرضا
أصل أنا مش ذنبى
فى الخلفه
أشتهى
مالاقيش