الدنيا بتخطف قلب الحلم
ف وقت الجد ..!
وانا واقف فارش احلامى
والشارع سد ..!
طاب فين هتروح ..؟!
والروح من عزم القهر جروح
وألمها إشتد .. !
انا وانتى وبس ومالناش حد ..!
ألم وحروف ..
وعيون بتشوف ..
م الدمع حاجات .. إزاى تتعد ..؟!
اعملى معروف ..!
انا قلبى اتعلم ..
يروى من الأحزان الورد ..!
وماتعلمش يموت م الخوف ..!
انا حد اتربى على الحواديت
وبلاد الواق ..!
وعشقتك ست الحسن
ف كل حكاية ختامها فراق ..!
وعشقت الحبر لأنه دوايا
وفيه ترياق ..!
وماكنتش شاعر ..
م اللى يرص كلامه ف أى حكاية
وكل مناسبة .. وأى نطاق ..!
ولاواعظ لجل اقلبها مناحة
ولت وعجن عن الأخلاق ..!
ولا يوم وطيت لغرور يركبنى ..
سنة وفرض ..!
انا ابسط معنى إتقال ف الشعر
على الإطلاق ..!
انا طرح الأرض ..!
عشان م الارض
وقفت ف اخر صف الشعرا
وكنت الفرد ..!
العيب مش فيا ماتتخضيش
العيب ف الفقر وأكل العيش
العيب ف الفرصة اللى مابتجيش
وان جات بتقابل مليون سد
وجزر ومد ..
والف حريقة بتستناها مواسم جرد ..!
انا وانتى قصيدة قتلها المط
وكتر السرد ..!!
............
سعيد شكري
وعيون بتشوف ..
م الدمع حاجات .. إزاى تتعد ..؟!
اعملى معروف ..!
انا قلبى اتعلم ..
يروى من الأحزان الورد ..!
وماتعلمش يموت م الخوف ..!
انا حد اتربى على الحواديت
وبلاد الواق ..!
وعشقتك ست الحسن
ف كل حكاية ختامها فراق ..!
وعشقت الحبر لأنه دوايا
وفيه ترياق ..!
وماكنتش شاعر ..
م اللى يرص كلامه ف أى حكاية
وكل مناسبة .. وأى نطاق ..!
ولاواعظ لجل اقلبها مناحة
ولت وعجن عن الأخلاق ..!
ولا يوم وطيت لغرور يركبنى ..
سنة وفرض ..!
انا ابسط معنى إتقال ف الشعر
على الإطلاق ..!
انا طرح الأرض ..!
عشان م الارض
وقفت ف اخر صف الشعرا
وكنت الفرد ..!
العيب مش فيا ماتتخضيش
العيب ف الفقر وأكل العيش
العيب ف الفرصة اللى مابتجيش
وان جات بتقابل مليون سد
وجزر ومد ..
والف حريقة بتستناها مواسم جرد ..!
انا وانتى قصيدة قتلها المط
وكتر السرد ..!!
............
سعيد شكري