اتبسملى ..وارقينى م العين اللى مشافتنيش
لحظة ماكنت باحاول اطفى الشمس
وافتكرى تاخدى الحلم من جواى
وتكحلى رموشك فى وقت الاشتياق
تترد غربة روحى لعيونك
تشوفينى مش غيرى
تدعيلى اكون محفوظ
لجلن بناتى يشرفوم نوبل
ترجعلى روحى بدعوتك فى النعش
ادفنها جوه الجرح
تطرح حروف )هتمه)
ليه لما طال الانتظار للنور
دعيتى لى فى ( العتمه)
مع ان ابويا كتبنى فى وصيته
وكتب قصادى
(خرم ) ابرة ضى؟
ياللى الطيابه استوطنت عقلك
اتغيرت عملة زمانك من زمان
فيا ترحلى
ياتضيفى وشك لون على المكياج
يرجعلك العمر اللى عدى يهدهدك
وساعتها عمرى ماهاحسدك
ولا هافتخر
طب هاعمل ايه؟
راح احط سدرى ف حوصلة بكره اللى فاتنى
وانفجر .
...........
علي جامع