""الرك ع الطبًال" ــــــــــــــــــــ بقلم الشاعر / محمود وحيد

الرك ع المهزوز
والهز بالهزًاز

والوسط لما يعوز
يبرق كأنُه قزاز
على كل دقة يميل
الوسط لوغاوى
والعين تقولٌه يا ليل
دالرقص طوالى
العود يلاغى الناى
والطبلة ترقيهم
والطار يجيب الشاى
يشرب ويسقيهم
يا ساحة الملاحيس
كفايانا طبل وزمر
ما ترقصوش إبليس
ولسكته ننجـــــر
كفايانا هز وميل
عمًال على بطًــال
يا عاشقين الليل
بصٌوا من الغربال
عود الصبية اتحنى
والكل شاف توبها
كرهت خلاص الغنا
والرقص دَوبْهـــــــا
...........
محمود وحيد