مــش أول واحــــــد تعملها
ولا آخـــر واحــــــد يعملها
قبلك فى كتير خانوا وباعوا
بس انت ظهــرت ف أولها
............................
مش أول صــاحب بيبيعنـّى
ويخـــون العشرة ويرمينى
ولا آخــر واحد كان يعنـّى
لـسّــه الأيــــام ح تورّينى
..............................
فى كتــــير كنت اهديهم ودّى
وافرد فى هوايا وف شراعى
وكتـــير أخترته يكون سندى
كــان يغــدر ويعض دراعى
ويصب السـّــــم فى فناجيلى
...........................
افتكــــره أصيل طيّب شكلى
القــاه يتفنن ف خــــــــــداعى
وان مرّه حكيت عنده مشاكلى
ينشــرها قــوام من غير داعى
مـــع انـّى باروح له وبيجيلى
........................
لومنه شطــاره أنا عــاوز افهم
لو منـّى غـبـــاء كنتوا قولولى
راح يعـــرف بكـــــــره ويتندّم
على حاجه ماهيش فعل بطولى
...........................
الطــيبه ف قلبى ح تشفــع لى
وأنا ح افضل عايش وبطولى
ودعــايا وصبرى ح ينفع لى
ويــــاريت بقلوبكم تدعوا لى
.................................
أحمد حسن عمر
الشكر كل الشكر لك شاعرة متميزة مبدعه منى الغريب
ردحذف