ولاية سينا......قصيدة للشاعر / مدحت المرسى

ايه متصور..؟

لما بتدبح نفس بخنجر

لما بتقتل واما تفجر

قول يا أميرنا ... مين بتكفر

جندي وشايل بلده ف عينه

معروف عنه

صلاته ودينه

امه وابوه وكتير عايزينه

مين كان شافه قتل او دمر

صلي صلاته ف قلب كتيبته

وانت قتلت زمايله وسبته

خدته أسير

علشان يتصور

ويقول غصبن عنه كلامك

كل اللي سمح بيه إلهامك

قاله لأول مره

يزور

من بعدها خدته مع التاني

خليته شاف

مدبوح بيعاني

نزف دماه ع الرمل الاصفر

واما سألته وهو اختار

موته يكون من ضرب النار

عينه قالتلي... جيت متأخر