أخر قصايدي ف الحياه
حاسس بأني بعدها
يمكن أموت
ف متزعلوش
يا أغلي ناس عندي أنا
يااللي أنتو سحر فنكم
خلي القلوب تفرح قوي بحبكم
لكن خلاص
قلبي أتكسر
من كتر طغيان المأسي وظلمها
خلت همومي تنتصر
فوق السطور
وقالتلي أكتب للوداع
أجمل قصيده
تكون وصيه وتذكره
مسكت ف لجام القلم
وكتبت وماليني الألم
صعبه القصيده
لكنها مش مستحيله
وبدأتها ب متزعلوش
أقسمت قسمآ بالأله
بأنني رغم الأسي
وبرغم دمعات الجفون
هفضل أدوب ف حبكم
ولا لحظه هنسي فضلكم
ف ما تنسونيش
وأدعو لروحي أنها
تسكن ف أعلي منزله
يوم الحساب
وف أعلي جنات الأله
قلبي يعيش
لا تحزنوا
وتقلبوا الكفين أشفاقآ علي
ف أنني رايح لرب الكون
وعشمي أني أنول المغفره
وأنعم برضوان الأله وبرحمته
ومتزعلوش
لو يوم صحيتوا ع
الخبر
وسمعتوا عبر الميكروفون
صوت جاي من جوه الجوامع كلها
أسمي أنا محمد مديح
بعد الشهادتين أتنده
وقالوا أني فارقت دنيتكوا الغروره
معناها يعني أني مت
أفرحوا ورددوا
يا للي أنت وحدك
رحمتك
وسعت إلهي كل شئ
أغفر له وبقبره أفسح
له
مد أطراف البصر
وأدعو كمان للمسلمين
ولكل مين غاب أو حضر
أنه ينول المغفره
دي وصيه من قلبي أنا
لو حد فيكم حبني
محتاج يادوب دعوته....!!
.......
الشاعر الراحل محمد مديح
غفر الله له