لمّا تكون فرحـــان نفــــرح بك
من غير حتى ما نعـــرف مين
بس ضرورى تصـارح صاحبك
نرجــس كـــانت أو يــــاسمين
ولا ضـــرورى تحـــيّر قلـــــبى
وتشغــل بـــالى شمـــال ويمين
هى مـــلاك علشـــــــان بتخبّى
مش زيّنـا م البـــــنى آدمـــين
قول لى ياصاحبى قوام ريحـنّى
مــــاتخلـــيش الســــــــر دفين
صـــارح كـل الناس وصارحنى
علشان نبقى معــــــــاك شاهين
..................
عـــــارف ان الحب جــنـــــــون
وان انا ح اعــرف مش ح أتاخر
لمّا تاخـــدنى على المــــــــأذون
وتقول لى امضى لك على الدفتر
قول لى يا صاحبى قوام وحياتك
ما انت عارفين يا صاحبى أمين
.............................
تطلع مين
طيب قول من امتى هواهــــا
ولا دى عشره بقالهـــا سنين
طيب يعنى قعدت معـــــــــاها
ولا خيال علشــــــان دواوين
........................
طيب قول لو حرف وح اعرف
( ر) مع ( ل ) او (ع) مع سين
مين بيحب ويفضل عـــــــــاقل
مـــــــــين بيحب ويبقى رزين
تطلع مين
.................................
أحمد حسن عمر