وكل الدنيا رفضانى شوارعها
وعاملانى معدية
وحطانى فى جملة شبه اسميه
متعرفشى ان انا ميه وبا يعها
ولو تاه الأنا فيا ولا عمرى هطاوعها
ولو حتى هاموت موتتين
ولو عمرى خلى بيا
اقابله بفوق كذا وتسعين
انا عارف بأنى هاموت
وعارف انى رايح النار
ومش باكى على الدنيا
ولا باكى على جسمى
انا كل اللى آلمنى
حروف اسمى بتتمرمط
ما بين الفعل والمفعول وحرف الجار
عشان جيت الحياة ديه
وانا طمعان الاقى نهار
لكن عادى
ماهو امثالى فى الدنيا
بيجوا عشان يموتوا صغار
وحتى كمان مفيش صاحب
عشان احنا بتوع الحب والأشعار
صنف غريب
يادوبك يجى كام واحدلا يتعدوا
ولا بيبانوا فى التعداد
نفر نفرين تلاته... أربعة بالكاد
هنعمل ايه مع الدنيا
مع السفلة.....مع الكفرة.....مع الفجار
ماهو امثالى فى الدنيا شويه
عمرهم ابدا ماكانوا كتار
............
حمدي موسى