متعزونيش
هو اللي مات
لسه اندفن
متعزونيش ..
أنا قلبي ماات
ملقاش كفن
لسه الجنازه
ف عزها
لسه الدموع
تنحاز لها
و ان كنت هنت
علي اللي راح
من غير سلام
ولا حتي كلمه
اتعزي ها
لو دمع عيني
لك شفا !
عمر الدموع
ما هعزها
بتشكي للناس ! مني أنا
و قلت ندماان ع الهوي !!
و أنا ما شفت معاك هنا
لسه الدموع
متلبشه و مكلبشه
ف قلبي أنا
لسه الجراح حاضنه الضلوع
لو حتي فات
مليون سنه
يا حرف نااازف مننا
و سكونه ضمت .. كسرنا
يااا كلمه ماتت
جوه منا ف حلقنا
خايفه أقوله وحشتني
و خاايف يقولي
متبعديش تاني من هنا
متعزونيش..
يا دم ساري ف الوريد
يا شوق و عمره
ما انطفي
و كل يوم عماال يزيد
شايف غروري ازااي و أنا
رضيت تكونلي ألف سيد
و عملت قلبي قنطره
يا عنتره
و أنا قلبي عمره
ما مسه إيد
متعزونيش..
لسايا بتنفس هواااه
لساه معايا
لو بعد موتي
ألف مية مليووون حياه
متعزونيش..
مين قال حبيبي
ف قلبي مات!!
مين قال عناده و لا صبره
هيجرح الجرح اللي بات
شق ف قلوبنا بينجرح
كل أما اسمي ولا اسمه
علينا فات
متعزونيش..
صحيح ساعات
البسمه تسكن ف الدموع
صحيح بنسهر كل يوم
نحلم بشوق لحظة رجوع
صحيح بموت .. صحيح بمووووت
صحيح بمووووووووت
لكن و حق اللي حفر
اسمك ف قلبي
و ف الحشا.
و بين الضلوع
مستنياك ... مستنياك
عرفتوا ليه .. متعزونيش
.......................
جهاد زيادة
صح لسانك يا استاذه
ردحذف