ماتت عبلة.....قصيدة للشاعر / محمد مهران

كرهت العشق
علشانك

كرهت الحضن والضمه
ولون شعرك وبرفانك

وحتي عيوني لعناكي
ولا بتدمع لأحزانك

مادام الغدر والخسه
بقت دارك وعنوانك

طفيتي شمعتي بايدك
وأنا بقيد شموع عيدك

أنا مش عنتر العاشق
أنا عنتر لكن سيدك

وتهديدك
بأنك ماشيه مش راجعه
ميوجعنيش
 

خلاص رحلتي يا عبله
ولساني بقول وبعيش

لا هلطم ع الفراق خدي
ولا هبقي من الدراويش

وطيفك راح بلا رجعه
مبيزورنيش

وكل قصايدي في عشقك
نغمها نشاذ ميطربنيش

أنا عنتر
وأسمي للخلود باقي

لكن عبله بدون عنتر
الأسم قديم
مبيساويش
--------؛-؛------؛---