دمعه نطّت من عنيها
جوا قلبى
زلزلتنى
الفريضه ليه فاتتنى ؟؟
ليه دعاءى مااتقبلش
ليه حنينى مااتقتلش
والرسول دايما ف فكرى
بعض لومى عليك ياأبنى
لجل ماانّك ابن تانى
فى الطباع جايز أنانى
انّما اللوم كلّه منى لاخوك صلاح
ابن بكرى
أمّى آيه من الأيات
الدروس خدناها منها
لمّا كنّا مبرعمين
بعدها لو حد شافنا
مستحيل يقدر يفرق
اللى حبّه لغيره أكتر فينا مين
احنا أكتر من (خوات)
عز يابا مافيش نظيره
خلّى ايامنا تعدى
كل يوم ف حلاوته أحلى
م اللى فات
كان منايا أشيل مناكى
فى الطواف
فى القدوم أو فى الافاضه
حب قلبك للرسول
خلّى فى القلب انتفاضه
مشكلتنا مش ف مال
احنا ياامّه عيشتنا عال
مشكلتنا انك مريضه
ربنا يعافيكى ياامّه
ياللى عايزه تأدى فرضك
وانتى حبك جوّا قلبى
ركن م الشرع وفريضه .
.............
علي جامع