يا بـلادى خللــى بالـك
احــفظـى توبك وشالك
دا انتِ ياما الهم جــالك
فى انتظامك وارتجــالك
شامخة دايما وبخصالك
كــان زمانك لونه حـالك
بالشباب لميتى حالك
وبايديـهم بان هــــلالك
وبـنســاءِك وبرجـــــالك
عدى بينا لدرب سالك
وافتحى باب للنــــهار
----------------------
عللى صوتك للسامع
فى الكنايس والجوامع
دا الوطن للكل جـــامع
وانصبى كـل الــــموانع
دا الفتن شيطانها طالع
حركى مكن المصـــانع
وابـدرى ارض المـــزارع
والمناجم....والمـــنابع
وامسحى كل المدامع
وانفى اصحاب المطامع
وافردى جناح العــــمار
-----------------------
عـــدى يـالا بالــسفينة
فـــى انــتظارك كل مينا
وازرعـــى احــلامنا فـينا
ضـــمـى احـمد ويا مينا
واحــضـنينا ...طــمـنـينا
وافــردى ضــلك عــليــنا
واقلبى الصفحة الحزينة
تحـــت امــرك تامـــريــنا
وانزعى الضحكة الدفينة
غنـــى يـالا وســـمـعـينا
شعب مـــل الانتــــــظار
..............
ناصر علي توفيق
اشكرك الاخت وبنت العم المبدعة منى الغريب لنشر النص دمتى مبدعة
ردحذف