محكمه....الشاعر أحمد حسن عمر

**************

كان المفروض
مانسيبش ميدان التحرير
قبل التحرير
كان المفروض لمّا نحاكم
تبقى محاكماتنا الثورية
كدا فورية
من غير تأخير
كان المفروض اللى بيحكم
قبل ما يحكم
نزرع له ضمير

ما نسيبش الورق المتكـتــّف

والمتسـتــّــف

كدب وتزوير!!
كان لازم نتغيّر إحنا

من جوانا
قبل التغيير
مش بس نغيّر مــلامحنا

وخيالنا  يطير !!
ونقول للناس احنا نجحنا

ونرش عصير !!
و الثايــــرلسه بيتهجّى
حروف التعبير!!
فكرنـّا الطفل الى بيحبى
بقى شـاب كبير
وجرينا نكوّش ع الكرسى
ماهو كرسى خطير

ونسينا الحلم المتـشوّق

واقف  طوابير
ونسينا الحكمة اللى قالوها

اجدادنا كتير
الجرح بيرجع يتجدد
لو فات مُدّة
من غير تطهير!!
وخسرنا كتير
علشان فى سرادق
افراحنا
تاه التفكير!!

........................................

أحمد حسن عمر