( شبه يوسف ) بقلم الشاعر / أشرف الشناوي

 

الكل اهو باعك

علشان اوجاعك
كترت حواليك
فاتل ف حبال
الصبر الدايب
بتغربل أحﻻم
بتهز ف أيام
شعرها كان شايب
وفضلت تعيش
بتنور دهاليز
ساعة التنفيذ
زعلان م الموت
لساك مش عارف
إنك متباع
وإنك لمؤاخذة
طعمك ماع
وإنك مزروع
حواليك أوجاع
وإنك مسجون
علشان ما عزيزك
مش عايزك تخرج
وتفسر حلمه
وإنك راح تشهد
علي آية ظلمه
علشان ف وجودك
موجوع من عودك
مع إنك ميت
خايف من صوتك
يوصل للناس
خايف م النور
ليعدي السور
ويزلزل جدران
قصره الخربان
فيبان عريان
قدام الخلق
فيبان عريان .. قدام الخلق !
...........................
الشاعر/أشرف الشناوي