يا دنيا امتى ها تسامحى
وامتى تخف أوجاعك
بقول الآه ومن جرحى
أنا المسجون ف أضلاعك
يا دنيا كفايه قسوه حرام
كفايه جراح كفايه ألام
حرام تقسى على المشتاق
وايه يمنع نعيش ف سلام
يا دنيا كل ما بأقرب
بأشوف الفرح ليه يهرب
وليه الدمعه سكنانى
ومن حزنى لفين أهرب
يا دنيا شبعنا مُر خلاص
وضاع الحب والاخلاص
ومش ناقص ألم وجروح
ولا ناقص كلام الناس
أنا عايش ف وسط الناس
لكن حاسس بأنى غريب
بشوف الفرح والاحساس
مع شمس النهار بيغيب
يا دنيا ليه معندانى
وليه الضلمه خنقانى
وليه الحيره والتوهه
وكاس المُر علشانى
يا دنيا لسه مش لاقى
ولا عارف دوا لدائى
ليلاتى الدمعه بتزورنى
ليلاتى ماسكه ف خناقى
أجيب الصبر بس منين
ومين يمسح دموع العين
ولو ها أشكى أنا الدنيا
قوليلى يا دنيا أشكى لمين
أنا عايش ومش عايش
أنا عايش على الهامش
وبيعدونى م الأحياء
لكن ميت ومش عايش
...........................
رضا أبو الغيط
كفايه جراح كفايه ألام
حرام تقسى على المشتاق
وايه يمنع نعيش ف سلام
يا دنيا كل ما بأقرب
بأشوف الفرح ليه يهرب
وليه الدمعه سكنانى
ومن حزنى لفين أهرب
يا دنيا شبعنا مُر خلاص
وضاع الحب والاخلاص
ومش ناقص ألم وجروح
ولا ناقص كلام الناس
أنا عايش ف وسط الناس
لكن حاسس بأنى غريب
بشوف الفرح والاحساس
مع شمس النهار بيغيب
يا دنيا ليه معندانى
وليه الضلمه خنقانى
وليه الحيره والتوهه
وكاس المُر علشانى
يا دنيا لسه مش لاقى
ولا عارف دوا لدائى
ليلاتى الدمعه بتزورنى
ليلاتى ماسكه ف خناقى
أجيب الصبر بس منين
ومين يمسح دموع العين
ولو ها أشكى أنا الدنيا
قوليلى يا دنيا أشكى لمين
أنا عايش ومش عايش
أنا عايش على الهامش
وبيعدونى م الأحياء
لكن ميت ومش عايش
...........................
رضا أبو الغيط