أمى ماتت ..
كل شىء كان حلو مات
واللى حلو ولسه جاى
برضه مرر من سكات
الوشوش مابقتش تشبه للوشوش
والحاجات مابقيتش تشبه للحاجات
والدموع ف العين بتبكى
وسط بحر الذكريات
لسه فاكر لمّا كنا معاها
لــمّــه
لسه فاكر برضه لــمّــا
كنا نييجى ننام فى ريحها
وكات بتحكى لنا حكايات
بعد منها ميت خسارة
ع اللى جاى وع اللى فات
القلوب صبحت حجارة
الحنان بقى معجزات !!
لسه كل كلامها حافظه
زى ما يكون من ساعات
لسه نفسى فى ابتسامه
نفسى جوه الحضن ابات
نفسى ترجع لجل تفرح
لمّا احقق أمنيات
بس ماتت ..
........................................
كلمات أحمد حسن عمر