قلبي ورق كرمشته بإيديا
قلبي على الأسفلت منداس
قلبي على الأسفلت مين داس
ويا إحساسي يا أحساسي يا إنتي
كنتي البراح واضيق
كنتي الجدار وانشق
مين اللي سبب لي القلق ..
ساعة يحين الضي في عينيا
شمّرت إيدي م الهوى ..
ونزِلْتني جوه
وطلعت انا بيا ولكني مش هوَّ
بيني وبيني هِوّه متسعة
اسعى يا طير الحب من تاني
دوّر على عشك اللي ماهوش فيا
قلبي ورق كرمشته بإيديا
فوق الرصيف ..
شُـفت الكلام مدبوح وبيفرفط
في لسانك المشرط وما عرفتوش
يا ورد يا مرسوم على الحيطة ..
إزاي تفوح ريحتك من الألوان
لِم الدموع من فوق فروع قلبك
من قد إيه ؟
والإيد قصيرة وللأسف مع إنها طايلاك
والعين بصيرة بتشتهي لمراقبة المشهد
أشهد بإنك والكلام إخوة فى رصيف واحد
يا قلبها الجاحد ..
يا ابو الكلام يجرح
في الشارع الزحمة اللي متسفلت بأنَّاتي ..
بعترت دقاتي
ورميت بذور الحب ولكنه لم يطرح
مطرح ما راسي تكون راح تبقى رجليا
علشان كده
قلبي ورق كرمشته بإيديا.
................
عمرو المصري
قلبي على الأسفلت منداس
قلبي على الأسفلت مين داس
ويا إحساسي يا أحساسي يا إنتي
كنتي البراح واضيق
كنتي الجدار وانشق
مين اللي سبب لي القلق ..
ساعة يحين الضي في عينيا
شمّرت إيدي م الهوى ..
ونزِلْتني جوه
وطلعت انا بيا ولكني مش هوَّ
بيني وبيني هِوّه متسعة
اسعى يا طير الحب من تاني
دوّر على عشك اللي ماهوش فيا
قلبي ورق كرمشته بإيديا
فوق الرصيف ..
شُـفت الكلام مدبوح وبيفرفط
في لسانك المشرط وما عرفتوش
يا ورد يا مرسوم على الحيطة ..
إزاي تفوح ريحتك من الألوان
لِم الدموع من فوق فروع قلبك
من قد إيه ؟
والإيد قصيرة وللأسف مع إنها طايلاك
والعين بصيرة بتشتهي لمراقبة المشهد
أشهد بإنك والكلام إخوة فى رصيف واحد
يا قلبها الجاحد ..
يا ابو الكلام يجرح
في الشارع الزحمة اللي متسفلت بأنَّاتي ..
بعترت دقاتي
ورميت بذور الحب ولكنه لم يطرح
مطرح ما راسي تكون راح تبقى رجليا
علشان كده
قلبي ورق كرمشته بإيديا.
................
عمرو المصري