يابحر ..بقلم الشاعر / مصطفى تيسير

 

يا بحر ليه غيرت طبعــك في الغرام ..
 
حاسب عليا من الهوي .. ميت حرام ..
 
حجيت لكعبة ربنا في بلــده الحرام ..
 
و دعيت يا بحر بإني أنسي سكتـــــك ..
 
و نسيت يومين و رجعت أحضن ميتك ..
 
و رجعت أبني ف القصور علي رملتك ..
 
وأرمى فوق المــوج الوجع ..
 
و رجعت أوشوش في الودع ..
 
و أتمني أشوفها حتي مرة من بعيد ..
 
وأبعت سلامي لقلبها كده مـن بعيد ..
 
يا بحر جاوب علي السؤال ..
 
من سكات من غير لوع ...
 
إنت ليه علمتها طبع الدلع ؟
 
و القسوة تبقي في طبعها ..
 
يا بحر ليه علمتها ؟ 

........................
 
بقلم .. مصطفي تيسير