هتعمل إيه بِنَاي مكسور ؟
يا شايف عمرنا بيفوت
وراضي بالهوان مستور
تبات تحلم يكونلك صوت
أهم قتلوا كمان غناويك
و إيه هتفيد بقا حكاويك ؟
هتحكيلهم على حالهم ؟
يا واهم إن صوت شَكْيَك مِسَكِتْهُم
هتسكت ولا راح تحكي ؟
ولو تسكت ماتقلقش
ماهم شاكيين بدل منك
لأنك بالصريح واقف تعد الدور
وساجن في السطور قلمك
وقاتل في المنام حلمك
وكام دمعة تموت في النور
تغمي عينيك على الدايرة
تدور فيها كأنك تُور
تعيش تحلم ميتين مره
وبتفكر يكونلك دور
هتتحسر و كالعادة
وتشرب قهوتك سادة
تغمي عينيك هموم قلبك
مع الساقية تلف تدور
وبرضو الدايرة ما بتخلصش
وتمضغ بالسكات غلبك
وأمَلَك يوم تعدي السور
............................
الأديب رفعت السنوسي