حبيبتى والشاطئ ............. بقلم الشاعر / أحمد عبد الشافي

نــاس حوالـيـا ونـــاس حــواليكى

لـمـا شافــونى ف حضـن إيديكى

قــالوا عـليا زمــــان ... وعليـكـى

احلـى مــافيا ... واحـلـى مافيكى

حُبك لـيـا ... وحُـبـى انــا لــيــكـى

قالوا دا مُـغـرم ... قـلت انــا بيـكـى

قـالـوا مُــتـيـم ... قــلت شــاريكي

قــالــوا بيـحلم ... قـلت اراضيــكي

يااللى الشمس كسوفها داسببه

انـهـا بــصـت يـــوم ... ف عـيـنيكى

... ...  ........... ... ......

نـــاس حــوالـيـا ونـــاس حــواليكى

قــالـوا عـليا زمـــــان ... وعليـكـى

قـالـوا عـلـيـكى حــاجــات حـبيتها

قـبـل مـا اقــابـلك ......... واتمنيها..

وامــا قــابلتك ... قـالـوا لقيتها .....

دى إللى الشمس ف يوم ماشافتها

طلـعة تــجـــرى ومــن كــسفـتها ....

راحـت تـشـكى لـنـجـمـه جـارتـهــا..

قــالـت النـجـمــه ساعـتـها يـاريـتها ..

كـانـت ظـهـــرت هـنـا ....... !! قبليكى

... ... ...... ... .

 

 نـــاس حــوالـيـا ونـــاس حــواليكى

قــالـوا عـليا زمـــــان ... وعليـكـى

قــالـوا عـلـيـا ... دا كـان بـيــحــارب

بــحـــر و بـــر ... حـيـتــان وتــعـــالب

مـن غـيـر سـيــف... ولاقــلع مــراكب

ُمــفــرد حـتى...مـالـوش ولا صــاحب

غـيـر أحـــلامـــه وأمــلــه... الـدايــب

صُــدفــه لـقـاكى ... صـبحتى القارب

بــعــد مـاكان مـغـلـوب ... بـقى غالب

وصـــل الـشـط ..... بــفـضــل إيـديـكـى

ـــــــــــــــــــــــــــــــــــــــــــــــــــ

بقلم الشاعر :

أحمد عبد الشافى أحمد