مش بعاتبك أو بلومك
يا اللى كنت انا ليكى يومك
بس نفسى تجوبى قلبى
وتقولى له ليه هروبك
ليه تبيعى اللى شاريكى
واللى واهب عمره ليكى
فين كلامك فين وعودك
ولا فين نظرة عينيكى
ردى قولى ساكته ليه
جوبى قلبى ذنبه ايه
ليه ف لحظه تبيعى حبى
ليه ف لحظه تضحى بيه
قلبى حبك انتى وحدك
كنتى كل الدنيا ليه
فين هواكى ولا حُبك
ليه بإيدك تقتليه
قولى فين راح الغرام
ولا كان وهَم وكلام
ليه تخبى جوبى قلبى
ظلم قلبى اليوم حرام
لومى قلبى أو لومينى
ليه تبيعى و تهجرينى
قولى ايه غير مشاعرك
مش عوايدك تظلمينى
لما شمس الكون تغيب
لازم أسأل هى فين
هو قلبى له حبيب
ولا غيرك كان له عين
ردى قولى رحتى فين
فايته قلبى للأنين
فين تلاقى حُب تانى
ولا فين تلقى الحنينن
..........
رضا أبو الغيط