يعنى أيه كلمة وطن ـــــــــــــــــ ( للشاعر / رءوف حجر )

الوطن مش بس أرضَــك و للا عرضـــك أو حـــدودك
الوطــن ده يبقى دينك يبقى فرضــك فيه وجـــودك
يبقـــــى ريحــــه لســـــه باقيــــــــه من جـــدودك
الوطن ده سر ساكـــن فى الأماكن شَــد عــــودك
وَعد منك إن روحــــــــك تفتديـهــا طول وجــــــودك

الوطـــن ده يبقى لَفــَـــه ف شَعر بنتك و الضفايـــر
يبقى بسمه من حبيبتك فجـأه يبقى القلب طايـــر
يعنى ضمَـــــه ف حُضــــن أمــــك يوم تِضَـــمَـــــــك
يــــوم ما تبكــــــــــى لأمــــــــــــر هــــــمـــــــــــك
يعنى وجعك يعنى ألمك يعنى جيشك يعنى علمك

يعنى ضَمِـــة إيــد قويــه من زمايلــك ف السَريــــه
و انت دمـــك لسه نـــازل بعد ضربــــه إرهابيــــــــه
شَقْ صُوتـَـــك صُـــوت سكوتَـك تنده الندهه القويـه
أفتديكـــى بنور عينـيـا و عيشى حُــــره يا بهيــــــه

لما يبقى المــــوت سبيلك يا الشهاده يا الكفـــــاح
لحظـــــــه و تــــــودع زميـــــلك ف الســـــــــــــلاح
لما تلقى دَمُـــــه سَايِـل دَمُـــه ينزِف فوق هُدُومَـك
يبقى تـــــــاره نـــــار و قــايـــــده ف عِـــــز نومـــك
لما تبقى جوا عينك فى الحبيبه و القريبه و السكن
لما يبقـى كل حِلمــــك فيها جِسمَـك يِـنْدَفــَــــــــن
هتلاقيها ...
هتلاقيـــهــــا سِــــــر باقــــى ف كـــــل عصـــــــــر
سِـــر ينــطــــق كلمــه واحـــده هِيَــــــــا مصـــــــر
يللى ماتعرفشى إعرف ...يبقى أيه معنى الوطـــن
الوطن ده يبقى مصر....
  هوا ده معنى الوطن
ــــــــــــــــــــــ
رءوف حجر