عنيكي الصافيه هتقول لي
علي كل اللي بتخبيه
وايه في الدنيا يفضل لي
علي القلب اللي بتصديه
يا روح قابلتنى بالصدفه
مكنتش ناوى اسال ليه
وكان القلب وياكي
حكايه بس مش بإيديه
وسميتي
وصليتي
وحلفتك تخطي عليه
يا زارعه القلب طين اخضر
دموعك شارخه طيبة القلب
وحواليكي فراغ سيبتيه
وغيط فاضي ناقص له الحب
وميه تجري ف شقوقه
وف عروقه بتنزل دب
وخيط بيشب
وبيحاول يطول النور
وبيرفرف
علي قلبه جناح مكسور
وكاس بيدور
علي عنيكي اللى صحيتنى
وقتلتنى
وحاولت من بعيد تكسر جدار صمتك
فدبحتنى
ودبحتني بسكينه
وحطتني ف فاترينه
لكل الخلق تتفرج
منا قلبي صبح زينه
ورفضت فجأه حتي البوح
ومين يسمع كلام مدبوح
وقالت خلق ف الزحمه
حلاوة روح
لا سمت يومها ولا صلت
علي القلب اللي بيعانى
ما انا الجانى
وانا اللى حاولت اخلط يوم
مابين حزنك واحزانى
عشانك بعت ايامي
وسبت الدنيا قدامي
يا شاربه الورد ف كاساته
انا عارفك وبتدارى
سنين قهرك دى واخدانى
وعشت العمر وحداني
يا عايشاني ومالكانى
وحاسه بكل دقة قلب
سنين عمرك دى راح تجرى
وتضطرى
تحنى لروحى وحنانى
علي كل اللي بتخبيه
وايه في الدنيا يفضل لي
علي القلب اللي بتصديه
يا روح قابلتنى بالصدفه
مكنتش ناوى اسال ليه
وكان القلب وياكي
حكايه بس مش بإيديه
وسميتي
وصليتي
وحلفتك تخطي عليه
يا زارعه القلب طين اخضر
دموعك شارخه طيبة القلب
وحواليكي فراغ سيبتيه
وغيط فاضي ناقص له الحب
وميه تجري ف شقوقه
وف عروقه بتنزل دب
وخيط بيشب
وبيحاول يطول النور
وبيرفرف
علي قلبه جناح مكسور
وكاس بيدور
علي عنيكي اللى صحيتنى
وقتلتنى
وحاولت من بعيد تكسر جدار صمتك
فدبحتنى
ودبحتني بسكينه
وحطتني ف فاترينه
لكل الخلق تتفرج
منا قلبي صبح زينه
ورفضت فجأه حتي البوح
ومين يسمع كلام مدبوح
وقالت خلق ف الزحمه
حلاوة روح
لا سمت يومها ولا صلت
علي القلب اللي بيعانى
ما انا الجانى
وانا اللى حاولت اخلط يوم
مابين حزنك واحزانى
عشانك بعت ايامي
وسبت الدنيا قدامي
يا شاربه الورد ف كاساته
انا عارفك وبتدارى
سنين قهرك دى واخدانى
وعشت العمر وحداني
يا عايشاني ومالكانى
وحاسه بكل دقة قلب
سنين عمرك دى راح تجرى
وتضطرى
تحنى لروحى وحنانى