عرض أول .. عربخانة ..!! بقلم الشاعر / سعيد شكري

دوشة ياما ... وإبتزال
واختزال الكاف ف زال
محنى ضهرك م الهزال
ولا من عزم الآهات ..!!

سوق جوارى واللى شارى
من زمان ... نخاس قرارى
يكشف المستور ... يدارى
هى نكسة .... للممات ..!!
واللى قال الحق مات
واللى ميت بالسكات
واللى بيموت ف روحة
حسرة على ست البنات ..!!
واللى عاش مدفون ف عشة
واللى متعلق بقشة
واللى متعلق ( بكانشة )
واللى تايه بالساعات ..!!
واللى كاسح بالأونطة
واللى داير بالروشتة
واللى باع من جسمه حتة
واللى قطر العمر فات ..!!
واللى عاش بالعلة كاشف
كل أسرار الخيانة
واللى عسس واللى شايف
بس فضل لستكانة
واللى مات الحق عنده
فوق لسانه وع الشفايف
واللى مستحلى المهانة
واللى قال نازل يعينك
واللى متمسح ف دينك
كلهم متقصدينك
كلهم خانوا الامانة ..!!
عرض أول .. عربخانة ..!!
..............
سعيد شكري