ياللي بتجرح ...بقلم الشاعرة / جهاد زيادة

ياللي بتجرح
قلبي هيجرح
بس أنا جرحي لقلبك
يدبح
---------------------
تااااااني هتقولي
النهايه
تااااااني هتعيد
الحكايه
لو فاكرني جوه مني
لسه حبك
يبقي جرحك له بداية
-------------------
العتاب بقي مستحيل
قلبي مش عابر سبيل
وإلا فاكر ان قلبي
مستني منك تميل
----------------------
 الصراع اللي ما بينا
والحكاوي اللي تقاسمنا
و الليالي اللي تسامرنا
كلها محض اختياري
مش قرارك
لاااء قراري
--------------------

و لما تبقي القصه بايخه
و الغرام أحماله شايخه
و الكلام حروفه دايخه
والعذاب بقي هو حالي
كان لازم القرار يبقي
اختياري
-----------
البعد مش موت الحياه
البعد مش هو النهاية
القرب منك كان حياتي
و بعدي عنك حرق ذاتي
بس كان لازمني وقفه
وقفتها معايا بمرار
جوه نفسي مية قرار
مزعوا مني احتيالي
علي الفرار
---------------------
آه بحبك
بس بعدك كان أمر من اختيار
أبعد بعيد سافر كمان
البعد عنك و السفر
أسرع وسيلة
انتحاااااااار ......
................

جهاد زيادة