و بتحدي بنور عينك
ضلام الكون
و راضي إني ف غرامك
أعيش مجنون
ولو سألوني حسادك
هرد و أقول
أنا المجنون يا نور عيني
و مش ممكن هواكي يهون
ومش ممكن لغيري يكون
هوى قلبك
وإحساسك
أنا أهلك
أنا ناسك
وبكره جاي علشانا
أنا وإنت
فضميني في أحلامك
وخليني هنا جنبك
هكون حلوك في أيامك
هعيش عمري فدا قلبك
وبتحدى بنور عينك
كلام حساد
حكاوي حصيرة مفروشة
عليهاولاد
بيتغنوا بأسامينا
وكورة شراب تنط جوه شباكنا
وفي شباكنا مافيش غيرنا
أنا وإنت
ونور الصبح صحانا على ضيه
وصوت كروان بيحكي عننا دايما
ادان الفجر بيكبر
صلاة الفجر في الجامع
بلاش النوم
وفين النوم أنا نسيته
وليه النوم مادام حضنك مدفينى
وكيف البرد ورمش العين مغطيني
وليه الرعب من الجواسيس
خسيس قلة ماهووش إنسان
ولاعمره في يوم هيحس
أنا وإنت مدينة وبس
مدينة كل سكانها
عيون قادرة
رموش فاجرة
نبض شوق بيتكلم
بيتهامس ويتحاكى
وأعيش عمري وأتحدى
بنور عينك ضلام الكون
..................
عبدالتواب الرفاعي