عايشين في دنيا شقا وهموم
وخلق ليل ونهار بتلوم
وضرب نازل تحت وفوق
وكل ثانيه نقول مقسوم
فيه ناس غريبه تحب تدوس
علي اللي بخته قليل منحوس
علشان معاها نفوذ وفلوس
بتدوس وتملا الدنيا سموم
فيه ناس بتلعب عاللحبال
يمينها حبه وحبه شمال
ومهما دمع عيونك سال
ماينصفوش دمعة مظلوم
فيه ناس بسيطه وعايزه تعيش
ولويكون ريسمالها مفيش
ولو تاكلها بملح وعيش
أملها كله الستر يدوم
عايشين في دنيا شقا وهموم
.................
أشرف البلتاجي