انتي أدرى ...بقلم / سعيد شكري

انتى ادرى
باللى بل الشوق نداه
ورد خدك
ولا قلبى اللى إشتهاه
ولا شوقى
لما مد الشوق مداه
مس روحى ... مد كفى
هى لمسة راح تكفى !!
ماتكونيش إزاى ف صفى
واحنا لسه ف مبتداه ..؟!!

كونى حدى
وارسمى الأحلام بيدى
هى لحظة ... لو تعدى
يبقى ايه معنى الحياة ؟!!
من جذورى مدى عودك
يجرى من دمى ف خدودك
شوقى ح يفتح ورودك
حلمنا يبلغ مناه !!!
طمنى القلب اللى خايف
واقطفى الشهد اللى شايف
إن كل الكون شفايف
فوق خدودك منتهاه ..!!!
........
سعيد شكري