يا ليل غويت الأحبة
تعشق تقول يا ليل
كل اللي داق الهوا
غني وقال مواويل
سهرتني يا ليل ...
علمتني يا ليل ....
ان الغرام مكتوب
وان الحبيب مغلوب
ليه م القدر بنتوب
لما القلوب بتميل
أمرك عجيب يا ليل
أمرك غريب يا ليل
للعاشقين غلاب ...
بتجمع الاحباب
حلو ولقانا طاب ...
لما بتيجي يا ليل
القلب منك داب ...
جاله هواك ع الباب
لا لوم يفيد وعتاب ...
لما تصالحنا يا ليل
الحب طعمة جميل ....
ساعة الصفا بالليل
نسمة وطلة نيل ...
واحنا معاك يا ليل
أو يوم يجينا الشوق
والليل معانا يروق
إزاي قلوبنا تفوق
من نشوتك يا ليل
الليل جمعنا وقال
الحب راحة البال
فاز اللي بيا نال
واللي نسيني عليل
أمرك عجيب يا ليل
أمرك غريب يا ليل
سهرتني يا ليل
علمتني يا ليل
ان الهوا له دليل
نظرة ودموع بتسيل
من رقة الإحساس
قلب الحبيب ونّاس
عيني لعنيك حراس
ساعة السكون بالليل
...............
بقلم / هاني عبد الوهاب