حط ف بطنك ميت بطيخه
وامشي ف عرض الدنيا وطولها
مهما ان كنت شديدأو خيخه
عمر الشينه عليك مانقولها
طول ماإيديك طاهره وشغاله
من غير خسه وزيف ونداله
والأفعال أفعال رجاله
والقوانين بتراعي أصولها
حط ف بطنك ميت بطيخه
وامشي ف عرض الدنيا وطولها
طول مابتدي الحق لناسه
ولا بتجور علي حرمة غيرك
طول ما الظلم بتقطع راسه
ولا بتسيبه يشوه سيرك
طول ما الشر بعيدعن بالك
طول مالناس بالخير شاهدالك
طول ماالصبر لسان أحوالك
كل أماني الخير حاتنولها
حط ف بطنك ميت بطيخه
وامشي ف عرض الدنيا وطولها
طول ماالغيره تملِّي لدينك
مش للدنيا ماتلويش بوز
حتي ان كات الناس بتدينك
راح تتهني وبكره تفوز
طول ماالتقوي بتسكن بيتك
ربك في الأزمات حيغيتك
وحيديك ويقوي عافيتك
والنجمات في السما حاتطولها
حط ف بطنك ميت بطيخه
وامشي ف عرض الدنيا وطولها
….....