وفر كلامك ......بقلم الشاعر / هاني عبد الوهاب

وفر كلامك للقاضي ....

لما تقف عنده قصادي

راح اقول له سيفك كان ماضي ...
وازاي قدرت علي بعادي
من بعد الف جواب .. وحنين
من بعد آهه وليلي يا عين
رايح وسايب قلبي لمين
تهجرني وتقول كان ماضي
ازاي لقلبي فتحت الباب
وازاي هواك والشوق غلاب
وآخرها ترضي تكون كداب
بايع غرامك وودادي
هقدم الجوابات كدليل
والحب مش محتاج تعليل
واحد بإيدك قلبه قتيل
ظلمك وهجرك شئ عادي
بلاش كلام وبلاش أعذار
عمر الكلام ما هيطفي النار
مقدرش حبك باستهتار
أفضل اسامح وأدادي
..............

 هاني عبد الوهاب