قوم ياخالد
*****
واللي حاصل
واللي واصل
دمِّـنا أصبح رخيص ..
لمَّـا سال بايد الخسيس
*****
إبني جاني في المنام
قال لي قوم قول للرئيس ..
حقِّـنا لابد تاخده / بالقصاص
حق لازم
حق مش باطل ياناس
*****
إبني جاني في المنام
واسمعُـه يصرخ يقول :
مصر ياامَّـه يابهيه
دمي ليكي ..
كوني ليـَّا
واوعي دمي يكون رخيص ..
تحيي في الخيبه اللي هيـَّا
*****
إبني قال لي في المنام
ياابا إزرع
بس لازم قبْله تقلع ..
كل خاين أو جبان
لأ وبالقرآن يتاجر
يبقى لعبة لامريكان .
.......
عادل عثمان الحجار