" بدون "
كل الألوان
إنسان
متلوّن يجي ميت لون
لو كان
العشق ف أصله جنان
كان كل المر يهون
عنوان
ف الأصل مفيش عنوان
بين فاتن ولاّ مفتون
من بات ف الضلمه يبان
غرقان ف سواد اللون
يا تكون طباخ السم
يا تموت مهموم مسموم
كل الكلمات أوهام
كل الأحاسيس دي ظنون
فنان
من رسم اللوحة بياض
من كتب الحرف بدون
ما يخط على الأوراق
غير بس الكاف والنون
بين دمع زلال رقراق
أو دم عديم اللون
أنا عاشق ؟ ..لأ ..مجنون ! .
.............
محمد البنا