مابين الروح
وتكوينك فى انفاسى
كتير جدا
بيتسابقوا على قلبى
يكونوا نبض احساسى
واحساسى وانا جواك
على اطراف شرايينك
زرعت كتير من الاشواق
وكبرت اﻻمل جواك
وانا ملياك بحب كبير
وانا محوطاك
بنارى ولهفة العشاق
وقلبك حاضنه دقاته
وباتهنى
بحضن دفاه من الجنة
و م الفرحة طرح قلبى
ﻷوصالك هنا و حياه
ما بين الروح وتكوينك
فى قلب خﻻيا احساسى
نواة كبرت قصاد عينك
وشرايينك مطاوعينك
يمدوا حياه وراها حياه
تدوب جوة قلبى اﻵه
ما بين اللحظه والتانية
نعيش احلى ما فى الدنيا
بحبك موووووووت
ياعشقى ونبض وجدانى
مابين الكلمة والتانية
معانى كتير بتتخفى
واحساسنا بيتدفى على اﻻنفاس
وصهد مشاعر اللهفة
يطير بينا
ﻷعلى مابينا من احساس
مابين النظره والتانيه
حاجات تانيه كتير جدا
بتشجينا
وتدخل قلبنا بإخﻻص
تغير فى موازيننا
تخلى الحب يبقى اساس
مابين الهمسه ومشاعرك
ياخدنى الشوق لباب قلبك
ماقلبى خﻻص سكن عندك
سكون اﻵه
فى قلب حبيب
بيتلوع ومش ﻻقى
فداك الروح ويا عمرى
وصال بينا مدى اﻻيام
اكيد باقى
مابين اﻵهة واللمسة
آهات مكتومة..
وبهمسة
يفجرها لهيب حبك
وندخل بحر م الاحساس
مابين العشق والتانى
غرام جلجل في وجدانى
ولما تكون في أحضانى
أنا .... إنت
وكاس ماليينه بالنشوة
شربنا .. واتملى تانى
مابين أشياء كتير جدا
تغير فى موازينها
باشوفك تعدل الكفة
واشوف قلبي بيتكفى ورا قلبك
يحس أمان مالوش تانى
.............
نادية فتوح