نص الكباية المليان متعشق
ف النص الفاضي
فإزاي كان ممكن نتفرق
من غير فوران
كان دايما إحساسي حياة
تتفجر من تحت أقدامك
ينابيع العشق
النايم جوا سكون
يحلم بالشمس الوردية
و لانك أصلاً
مش ليه
كان لازم واحد فينا
يركّب جناحين
ويطير
يتبعتر
جوه كتاب الكون
إحساسي الناضح
بالغليان
كان دايماً إحساس
م ج ن و ن
من شدة غليانه
اتبخر
مبقاش يقدر
يفضل محبوس ف الكباية
و فضلت لوحدك جواها
و فضلت لوحدك جوايه
و عشان تخرج
كان لازم
ت ك س ر هـ ا
و تتحرر
اخرج لو تقدر !!!!!
..........
سميرة جمال الدين