وطاقة نور ..
معدية تشق الموج
وصوت م الفرحة بيناغي
أطل هناك ..
ألاقى سفينة الحرمان بتغرق شوق
وترجع تانى تتلفت
و م الفرحة وم اللهفة بتعلا لفوق
تفرق ع القلوب أنسام
وسرب حمام ؛
بيغزل للأمانى طريق
مابين الفجر والمشرق وأول ضوء
وانا وحدى إللى بفرد فيه جناحاتى
ملاك آتي من الجنة
مسافر بين دروب أحباب
بيفتح للهوي أسباب
ويقفل راضي ألفين باب
في وش التوهة والغربة
فيهرب كل شوق كداب .
و ﻻ يبقى ف طريقي غير
حاجات بتغنى زى الطير
بتشبه حلم كان لى زمان
يا حضن أمان ...
وعشق نادانى رجعنى
و كنت خلاص ؛؛
غريقة ف سكة التوهان .
بيان عاجل !!
بعلو الصوت وباعلنها
يا جذوة نار وسكينها
بتدبح فيا للآخر
و ﻻ اتاخر ..
واقرب لك كمان اكتر
و ﻻ باسأل عن اﻷوجاع
و ﻻ افكر .
حبيبي خلاص
باقولها لك
و اعيدهاكمان
د انا قلبي سنين ساكن
فى ليل قبلك ضلام داكن
و جيت وبقيت لى كل الناس .
..............
ناديا فتوح
معدية تشق الموج
وصوت م الفرحة بيناغي
أطل هناك ..
ألاقى سفينة الحرمان بتغرق شوق
وترجع تانى تتلفت
و م الفرحة وم اللهفة بتعلا لفوق
تفرق ع القلوب أنسام
وسرب حمام ؛
بيغزل للأمانى طريق
مابين الفجر والمشرق وأول ضوء
وانا وحدى إللى بفرد فيه جناحاتى
ملاك آتي من الجنة
مسافر بين دروب أحباب
بيفتح للهوي أسباب
ويقفل راضي ألفين باب
في وش التوهة والغربة
فيهرب كل شوق كداب .
و ﻻ يبقى ف طريقي غير
حاجات بتغنى زى الطير
بتشبه حلم كان لى زمان
يا حضن أمان ...
وعشق نادانى رجعنى
و كنت خلاص ؛؛
غريقة ف سكة التوهان .
بيان عاجل !!
بعلو الصوت وباعلنها
يا جذوة نار وسكينها
بتدبح فيا للآخر
و ﻻ اتاخر ..
واقرب لك كمان اكتر
و ﻻ باسأل عن اﻷوجاع
و ﻻ افكر .
حبيبي خلاص
باقولها لك
و اعيدهاكمان
د انا قلبي سنين ساكن
فى ليل قبلك ضلام داكن
و جيت وبقيت لى كل الناس .
..............
ناديا فتوح