رياح الخوف...قصيدة للشاعر عادل شوقى إبراهيم

متكلفت فيك الليل م البرد
ورياح الخوف جواك بتزيد
 مع سيل م الدمع يغرق كل شوارع الروح
 ممنوعه حاجات جواك م الصرف
وتملي تبص عنيك للخلف
 بتشوف الأمس معاك بيكح
 فتخاف م العدوي تروح ع الغد
 تقفل شبابيك روحك م البرد
 وتولع دفتر أفكارك تدفي عليه
 مهو زينه خلاص عبت لبنان
 وهدي بتلف في كل مكان
 وأنا بيني وبينك كده بردان
 راح أقدم شكوي في نور الشمس
 ابسط للكف وبعلو الصوت
 الكل يقول أسترها يا رب