تعال نسمع الاخبار
نشوف الجو ليل ونهار
تعال نواكب التيار
ونعمل فيها ناس هبله
ولاعارفين حصان وحمار
تعالي نسمع الاخبار
قاعدلي قدام الكاميرا
ماشاء الله تقول بقره
بتاكل بس في البرسيم
وناس تانين اهم قاعدين
يقول ضالين يقولوا امين
وشيخ اهو دقنه منتوفه
ولكن راسه ملفوفه
بعمه ماركة السلطان
ودي احسان ودي الهام
دارسين فقه وأصول الدين
واحنا حمير ومش فاهمين
وبنتاجر بإسم الدين
تعال نسمع الاخبار
وعندك صانع الكفته
صانع ماهر لناس جفطه
مابيسموش
لاحتي طحينه ولاسلطه
مايستهلوش
يستاهلوا تيجلهم الجلطه
ويبقوا من غير عنين ورموش
تعال نسمع الاخبار
وصلنا كداب الزفه
ماسك طبله وجنبه التار
عنيه حمرا تدق شرار
وشعره طار بفكرني
بأهل النار
تعال نسمع الاخبار
نشوفها عالقنا التانيه
وسيبك من قناة سونيا
فلحالي بس في الباميه
وبيع لفشااااار
ادينا روحنا للتانيه
ويا ستاااااار
اهو الغدار
علي ايده بقا حالنا
خراب ودمار
قسمنا وكتروا عزالنا
وباع الجار
وياللعار
علي عالم بقت لمه
وعميه كمان ومش شمه
وبتساوي الاسد بالفار
وعجبي!!
.............
جمال نصر