(يعيش الشهيد) ــــــــــــــ بقلم الشاعر المبدع / أحمد عبد الشافي

يا أول شـــرارة .. ف كــوم الـوقـيـد

يا حـلـم الفقاري ف قـطـــر الصعيد
يا رمـــز الـحـيــارى يا خـالـد سعيد
أنـا و بعـد إذنـك ....... وإذنك أكـيـد
يــا فجـــر الأمـانــي ياحـلـم الـولـيد
هـاكرر ف أسمــك... واكــــرر واعـيد
وم الـحـلـق هـهـتــف وحـبـل الوريد..
تـعيش مصـــر بلدي .. يعيش الشهيد
.. ... ... ... ...... ... .. ... ... ......
يعيش إللـي زيــك على المـجـد فات
يعيش إللـي وحــد صـفــوف الــرايـات
يعيش إللـي نــطّــق لسان السُكات
يعيش إللـي صحا الضمير إللـي مات
يعيش إللـي جـمّـع بــدمـــه الشتات
يعيش إللـي عـلـم ولادنــا ... الثبات
وخـلـد يـنايـــر عـلـى الدهــــــر عيد
تـعيش مصــــر بلدي يعيش الشهيد
.. ... ... ... ...... ... ... ..... ... .
يعيش أي مـصــري يـنـاضـــل يعيش ..
يعيش الـمُـجـنـد يعيش الـشـاويـش ..
يعيش أي قــائـد بـيـخــدم .. ف جـيش
يعيش أي عــامــل بيسكن .. ف خيش
يعيش إللي حـالف ف يـــوم ميطاطيش
يعيش إللي نافش على الظلـم .. ريش
يعيش شعب مصر إللى لان له الحديد
تـعيش مصــــر بلدي .. يعيش الشهيد
ــــــــــــــــــــــــــــــــــــــــــــــــــــــ
بقلم الشاعر :
أحمد عبد الشافى أحمد
عضو نادى الأدب بقصر ثقافة المطرية