إنتى عيدى...قصيدة للشاعر / احمد النجار

إنتي عيدي ...
بَندَري ، و ساحلي ، و صَعيدي ..
مَرَّة ذنب ، و مَرَّة توبة ،
تِشبِهي النوبة يا بوبة –
ضحكتِك .. بتزيد خصوبة أرضي لمّا بترسمي ..
عيني لو شافت سِواكي ..
بدعي يا رب .. أتعمي .
بتفَكَّريني بالسواقي –
كُل ما تزغرَد ألاقي –
أهل بيتي بيفَرَحوا ،
نخلتيني بيطرَحوا –
كُل لُغز ف نِنّي عينِك ..
نظرة واحدة بتشرَحُه .
المقام ... ينده نلبّي ،
تجري فيّا و تستخبي –
الخَراب يرجَع عَمار ،
و المعابِد ، و الآثار –
مَهما هنعجِّز و نِكبَر ...
إحنا فِ عيونهم صُغار .
إلمسيني كتير يا زولي ،
لمستك بتكيد عزولي –
بِلي ريقي ثم دوبي –
أوعدِك بعدِك هدوب ،
إلمسيني لمسة تاني ...
هتولِد من غير ذنوب .