المِعدَة الحضارية
وجعاني المِعدَة الحضارية
من أكل الكدبة الفكرية
وانا بهذى وأخلاقي بتسخن
وبرجع أفكار وهمية
اليد العُليا ماهيش يدي
وانا واخد علي أني أعدي
وبَمَثِل وهنضرب مثلاً
الرزق يحب الخفية
وبنغني وسطلانا الغنوة
هات الفاكهة وخُش يا عِلوة
احنا بتوع القاعدة الحلوة
وبتوع الثورة السلمية
مظاليم و الثَوَرات براقة
والحرية بَقِت حَراقة
من رَحِم الفوضي الخلاقة
إليَ كَفَن الدولة البوليسية
والعقل بيعطل ف الجوع
ممنوع.. و الممنوع ممنوع
إحنا غنم وانقرض النوع
ودونا نعيش ف المَحمية .